شقيق الشهيد رالف ملاحي للرئيس عون: برعايتك اخترب بيتنا والناس عم تاكل بعضا !

تعليقا على الاحتفال الذي كان سيجري في المرفأ برعاية رئيس الجمهورية العماد ميشال عون، نشر شقيق الشهيد رالف ملاحي رسالة قاسية جاء فيها:

“والله يلي استحوا ماتو
▪︎برعايتك اخترب بيتنا
▪︎برعايتك كان عم ينعمل stage على دم اخواتنا يلي ما نشف تحت بالمرفأ كرمال تكريمون بجملة و دقيقة صمت يلي انتوا مجبورين تعملوا هيدا الشي كل ثانية وكل دقيقة
برعايتك امي وبي انحرموا من ابنن
▪︎برعايتك انا واختي انحرمنا من كلمة خي
▪︎برعايتك ١٠ اشخاص من فوج اطفاء بيروت انبعتوا على الموت ليطفوا هالقنبلة الذرية يلي انت او غيرك كنت بتعرفوا فيا (وما تخبرونا خبرية السعدان انو قبل بنهار او قبل بجمعة لعرفتوا انو في هيك غراض وهيك بضاعة بالمرفأ )
▪︎برعايتك بلادنا احترق دينو
▪︎برعايتك العالم بلشت تاكل بعضا
الخ الخ الخ لأنوا اذا بدي كمل رعايتك انجزاتكن كتار ما عم اتذكر …..اه لحظة نسيت انو ما خلوك…”